2017-05-10
Batumidə Azərbaycanın Ümummilli lideri Heydər Əliyevin doğum günü ilə əlaqədar bir sıra təbirlər həyata keçirilib.

Azərbaycanın Batumidəki  Baş konsulu  Rəşad İsmayılov Şota Rustaveli Batumi Dövlət Universitetində “Heydər Əliyev adına Azərbaycanşünaslıq Mərkəzi” auditoriyasında “Heydər Əliyev və Gürcüstan -Azərbaycan münasibətləri” mövzusunda beynəlxalq hüquq ixtisası üzrə təhsil alan tələbələri qarşısında açıq mühazirə ilə çıxış edib.

Mühazirədə həmcinin universitetin müəllim və proffesorları da iştirak ediblər.

Baş konsul iştirakcılara  Ümummilli lider Heydər Əliyev haqda geniş məlumat verib, Gürcüstan-Azərbaycan əlaqələrinin strateji tərəfdaşlıq səviyyəsinə yüksəldilməsində, bölgədə təhlükəsizliyin bərpa olunmasında, qlobal layihələrin reallaşmasında xüsusi xidmətləri olan şəxsiyyət kimi səciyyələndirmiş, onun təhsilə, gəncliyə qayğısı sahəsindəki  xidmətindən danışıb.

Sonda Baş konsul  Rəşad İsmayılov iştirakçıların Heydər Əliyev və Azərbaycanla bağlı çoxsaylı suallarını cavablandırıb.

Həmin gün, Acaristanın nüfuzlu “Ajara PS” qəzetində “Heydər Əliyev Azərbaycanın müstəqil xarici siyasətinin memarıdır” adlı məqalə dərc edilib.

Yazıda Azərbaycanın ümummilli liderinin həyatı, siyasi karyerası haqqında ətraflı məlumatlar verilib. Bidirilib ki, xalqın israrlı tələbi ilə 15 iyun 1993-cü il tarixində Bakıya gələn Heydər Əliyev, vətəndaş müharibəsi xofu ilə yaşayan, iqtisadiyyatı dağılmış vəziyyətdə olan, ərazisinin böyük bir hissəsinin işğal altında olan Azərbaycana rəhbərlik edib. Yazıda, Heydər Əliyevin ən böyük nailiyyətlərdən birinin onun neft strategiyası olduğu, bu siyasətin Azərbaycanın təkcə iqtisadi tərəqqisi deyil, eyni zamanda dövlət müstəqilliyinin güclənməsində böyük rol oynadığı vurğulanıb.

növbəti xəbər əvvəlki xəbər