Siyasi sahə
Qısa tarixi məlumat
Azərbaycan ilə Gürcüstan arasında diplomatik əlaqələr 18 noyabr 1992-ci ildə yaradılmışdır.
1995-ci ilin fevral ayında Bakıda Gürcüstanın, 1996-cı ilin mart ayında isə Tbilisidə Azərbaycanın səfirlikləri açılmışdır.
Azərbaycan Respublikasının Prezidenti İlham Əliyevin 20 aprel 2011-ci il tarixli Sərəncamı ilə Azər Hüseyn Azərbaycan Respublikasının Gürcüstanda fövqəladə və səlahiyyətli səfiri vəzifəsinə təyin edilmişdir.
Azərbaycan Respublikasının Prezidenti İlham Əliyevin 21 dekabr 2016-cı il tarixli Sərəncamı ilə Dursun Ayvaz oğlu Həsənov Azərbaycan Respublikasının Gürcüstanda fövqəladə və səlahiyyətli səfiri təyin edilmişdir.
Azərbaycan Respublikasının Prezidenti İlham Əliyevin 17 avqust 2020-ci il tarixli Sərəncamı ilə Faiq Maqbet oğlu Quliyev Azərbaycan Respublikasının Gürcüstanda fövqəladə və səlahiyyətli səfiri təyin edilmişdir.
Gürcüstanın Azərbaycan Respublikasındakı fövqəladə və səlahiyyətli səfiri isə Teymuraz Şaraşenidzedir (17.01.2011-ci ildən).
Gürcüstan Prezidentinin fərmanına əsasən Zurab Pataradze 27 avqust 2018-ci il tarixindən Gürcüstanın Azəbaycan Respublikasında Fövqəladə və Səlahiyyətli səfiri vəzifəsinə təyin edilmişdir.
Azərbaycan Respublikasının Prezidenti İlham Əliyevin 17 noyabr 2009-cu il tarixli Sərəncamı ilə Azərbaycan Respublikasının Batumi şəhərində Baş Konsulluğu təsis edilmişdir. Baş konsulluq 03.12.2010-cu ildə rəsmi fəaliyyətə başlamışdır.
10.09.2015-ildən etibarən Azərbaycan Respublikasının Batumi şəhərində Baş Konsulu vəzifəsinə Rəşad İsmayilov təyin edilmişdir.
Azərbaycan Respublikasının Prezidenti İlham Əliyevin 19 fevral 2018-ci il tarixli Sərəncamı ilə Pərviz Cəfər oğlu İsmayılzadə Gürcüstanın Batumi şəhərində Azərbaycan Respublikasının baş konsulu təyin edilmişdir.
Müqavilə hüquq bazası
Azərbaycan Respublikası ilə Gürcüstan arasında 104 sənəd imzalanmışdır.