16 yanvar 2025-ci il tarixində Gürcüstanın Batumi şəhərində Azərbaycan Respublikasının baş konsulu Fuad Əzizov ilə Batumi şəhərinin meri cənab Arçil Çikovani arasında görüş keçirilmişdir.
16 yanvar 2025-ci il tarixində Gürcüstanın Batumi şəhərində Azərbaycan Respublikasının baş konsulu Fuad Əzizov ilə Batumi şəhərinin meri cənab Arçil Çikovani arasında görüş keçirilmişdir. Görüşün əvvəlində cənab A.Çikovani F.Əzizovu təyinatı ilə bağlı təbrik etmiş və ona gələcək fəaliyyətində uğurlar arzulamışdır. Mer A.Çikovani Batumi şəhəri haqqında qısa məlumat verərək onun regiondakı strateji mövqeyindən bəhs etmişdir. Baş konsul F.Əzizov da öz növbəsində təbrikləri qəbul edərək Azərbaycanın Cənubi Qafqazda mühüm geosiyasi əhəmiyyətə malik olduğunu vurğulamış və ölkədə iqtisadiyyat, elm və mədəniyyət, idman və turizm, eləcə də müxtəlif sosial sahələr üzrə həyata keçirilən layihələr haqqında həmsöhbətinə ətraflı məlumat vermişdir. F.Əzizov həmçinin Azərbaycan tərəfinin iki ölkə arasında mövcud olan yüksək səviyyəli əlaqələrin daha da genişləndirilməsində maraqlı olduğunu diqqətə çatdırmışdır. Söhbət zamanı gələcəkdə həyata keçirilməsi mümkün olan iş perspektivləri haqqında fikir mübadiləsi aparılmışdır.