Dahi bəstəkar Üzeyir Hacıbəylinin dünya şöhrətli “Arşın mal alan” operettası aprel ayının 2-də Acarıstan Muxtar Respublikasının Batumi şəhərinin Dram Teatrında gürcü dilində səhnəyə qoyulmuşdur.
Dahi bəstəkar Üzeyir Hacıbəylinin dünya şöhrətli “Arşın mal alan” operettası aprel ayının 2-də Acarıstan Muxtar Respublikasının Batumi şəhərinin Dram Teatrında gürcü dilində səhnəyə qoyulmuşdur. Gürcüstanın məşhur aktyorlarının oynadığı operetta tamaşaçılar tərəfindən alqışlarla qarşılanmışdır.
Tamaşanı ölkəmizin Batumidəki baş konsulu Fuad Əzizov ilə bərabər yerli idarəedici orqanlarının və KİV nümayəndələri, gürcülər, eləcə də regionda yaşayan vətəndaşlarımız və soydaşlarımız izləmişlər.
Tədbirdə çıxış edən baş konsul F.Əzizov azərbaycanlı bəstəkar Üzəyir Hacıbəylinin həyat yolu və yaradıcılığı, həmçinin operettanın tarixçəsi barədə çıxış edərək təşkilatçılara və səhnə heyətinə ikitərəfli mədəni əlaqələrinin möhkəmlənməsi yolunda göstərdikləri səylərinə görə təşəkkürünü bildirmişdir.
